Prefazione De Agri Coltura

DE AGRI CULTURA DI CATONE, VERSIONE DI LATINO TRADOTTA – TESTO LATINO. Est interdum praestare mercaturis rem quaerere nisi tam periculosum sit et item fenerari si tam honestum sit. Maiores nostri sic habuerunt et ita in legibus posiverunt furem dupli condemnari feneratorem quadrupli; quanto peiorem civem existimarent fenatorem quam furem hinc licet existimare. Et virum bonum quom (= cum) laudabant ita laudabant: bonum agricolam bonumque colonum; amplissime laudari existimabatur qui ita laudabatur.
Mercatorem autem strenuum studiosumque rei quaerendae existimo verum ut supra dixi periculosum et calamitosum; at ex agricolis et viri fortissimi et milites strenuissimi gignuntur maximeque pius quaestus stabilissimusque consequitur minimeque invidiosus minimeque male cogitantes sunt qui in eo studio occupati sunt.