Hannibal Carthaginiensis, cum Pyrenaeos montes et postea Alpes superavisset, cum viginti milibus peditum et equitum sex milibus in Italiam pervenerat. P. Cornelius Scipio consul, contra Carthaginienses missus, profligatus est apud flumen Ticinum; paulo post Tiberius Sempronius consul apud flumen Trebiam devictus est; postremo apud lacum Trasumenum C. Flaminius fusus est et viginti milia Romanorum necata sunt. Tot tantisque pugnis devicti, Romani dictatorem creaverunt Q. Fabium Maximum, qui, Hannibalis impetum repressit. Nam, a Fabio Romani milites per alta loca ducebantur, tenebantur in castris numquam ad proelium evocabantur. Hoc modo Fabius, qui cunctator appellatus est, Hannibalem defatigavit.
- Latino
- Versioni di Marco Porcio Catone
- Versioni dai Libri di Esercizi