Habebat avunculum Quintum Caecilium, equitem Romanum, divitem, difficillimae naturae (carattere). Huius asperitatem sic veritus est (rispettò) ut, quem nemo ferre posset, huius sine offensione ad extremam senectutem retinuerit benevolentiam. Cuius pietatis tulit fructum. Caecilius enim moriens testamento adoptavit eum heredemque fecit; ex qua hereditate accepit circiter centies centena milia (cento milioni) sestertium. Erat nupta soror Attici Quinto Tullio Ciceroni, oratoris fratri, easque nuptias Marcus Cicero frater conciliarat, cum quo Atticus a condiscipulatu coniunctissime vivebat. Utebatur etiam intime Quinto Hortensio, qui iis temporibus principatum eloquentiae tenebat. In re publica ita est versatus ut semper optimarum partium esset neque tamen se civilibus fluctibus commisit. Honores (Cariche politiche) non petiit, cum ei paterent propter vel gratiam (popolarità) vel dignitatem.
- Latino
- De viris illustribus (Atticus) di Cornelio Nepote
- Cornelio Nepote
