Post cladem Cannensem, quae Romanis gravissima fuit, quod in ea ambo consules maiorque militum pars perierant atque pauci superfuerant, senatus ad P. Cornelium Scipionem, admodum iuvenem, maximum imperium commisit, ut ille rei publicae saluti provideret. Olim ei, qui senatus consilio praeerat, nuntiatum est aliquot nobiles iuvenes Romanos, de rei publicae salute desperantes, statuisse Urbem deserere atque se in Asiam transferre. Tum Scipio, consilio dimisso, statim domum illius, qui conspirationis auctor erat, adiit et, cum ibi concilium iuvenum, de quibus supra dictum est, invenisset, stricto gladio super eorum capita exclamavit: <>. Iuraverunt illi et semper Romae Scipionique fideles fuerunt.
- Latino
- Maiorum Lingua B
- Versioni dai Libri di Esercizi
