Acies Darei sic instructa erat: Nabarzanes, dux familiarisque regis, equitatu et magno funditorum saggitariorum numero dextrum cornu tegebat. In eodem cornu Thymodes erat, dux peditatus Graecorum, militum mercennariorum. Hoc erat sine dubio robur Darei exercitus, par Macedonicae phalangi. In laevo cornu Aristomedes Thessalus multitudinem barbarorum peditum habebat. Ipsum regem in eodem cornu cum plurimis peditibus dimicaturum equites delecti defendebat. Ibidem et Hyrcani et Medi equites erant. Totum agmen iaculatores et funditores antecedebant. Persarum copiae omnia loca a monte usque ad mare impleverant. Uxor materque regis cum aliis feminis in medio agmine collocatae erant. Alexander autem in fronte phalangem, aciem omnium Macedonum validissimam, constituit.
- Latino
- Maiorum Lingua B
- Versioni dai Libri di Esercizi
