Prima luce Gallorum acies iam cernebatur. Labienus, Caesaris legatus, firmis atque animosis verbis Romanorum equites peditesque confirmavit, de pristina virtute eos admonens; deinde proelii signum dedit. Primo concursu a dextro cornu hostes pulsi atque in fugam coniecti sunt; in sinistro cornu, quamquam prima hostium acies, telis transfixa, conciderat, tamen reliqui Galli acriter resistebant nec salutem fuga petituri erant. Eorum dux per omnes partes perequitabant, ad virtutem suos excitaturus. Diu proelium anceps fuit; postremo legatus, animadvertens eventura in sinistro cornu, post hostium tergum legionem disposuit ut impetum faceret. Omnes fere Galli circumventi atque interfecti sunt; pauci fugituri ab equitatu oppressi sunt.
- Latino
- La Lingua delle Radici 1
- Versioni dai Libri di Esercizi