Anno sescentesimo duodeoctogesimo ab U.c. in Italia novum bellum subito commotum est. Septuaginta enim quattuor gladiatores, ducibus Spartaco, Crixo et Oenomao, effractis portis Capuae ludi, effugerunt et, per Italiam vagantes, septuaginta fere milibus servorum armatorum contractis, acre ac diutinum bellum in Romam moverunt, ut a senatu libertatem ac sua iura recuperarent. Multis Romanorum ducibus victis et duobus consulibus interfectis, per multos menses Spartacus eiusque serviles copiae totius Italiae regiones vastaverunt, donec victi sunt in Apulia a M. Licinio Crasso proconsule; itaque, post multas calamitates tertio anno huic bello finis impositus est.
- Latino
- Maiorum Lingua B
- Versioni dai Libri di Esercizi
