Manent ingenia senibus, modo permaneat studium et industria, neque ea solum in claris et onorati viris, sed in vita etiam privata et quieta. Sophocles usque ad summam senectutem tragoedias fecit; quod propter studium cum neglegere rem familiarem videretur, a filiis in iudicium vocatus est ut, quemadmodum nostro more male rem gerentibus patribus bonis interdici solet, sic illum quasi desipientem a re familiari removerent iudices. Tum senex dicitur eam fabulam, quam in manibus habebat et proxime scripserat, Oedipum Coloneum, recitasse iudicibus quaesisseque num illud carmen desipientis videretur. Quo recitato, sententiis iudicum est liberatus.
- Latino
- Maiorum Lingua C
- Versioni dai Libri di Esercizi
