Olim equus arta semita procedebat, habenis aureis et ephippio magni pretii superbus, et se beatum putabat. Asino lasso ac sarcinis onusto occurrit et insolenter dixit: «Viam da». Asinus auriculas demisit trepidus ac pavidus et equo viam dedit. Non multo post equus morbo corripiebatur et macer efficiebatur. Tum dominus equum in villa reliquit et rustica ornamenta ei imposuit. Misera bestia a mane ad vesperum in agros fimum portabat; a domino neglegebatur et a servis flagellis caedebatur. Asinus forte in prato miserum equum invenit et exclamavit: «Te beatum putabas ob pretiosa ornamenta et superbus deambulabas: nunc iuste puniris».
- Latino
- La Lingua delle Radici 1
- Versioni dai Libri di Esercizi
