Bonus pater, simul ac supremus dies vitae suae appropinquavit, progeniem suam, filios et nepotes, vocavit. Acri cum sensu doloris caput patris canitie venerabile adspectabant: facies pallida omnem salutis spem adimebat. Tum bonus pater suprema praecepta filiis dedit:<< Estote semper probi fortesque. Vir probus non solum in secundis rebus, sed etiam in adversis fidei officia servat. Dierum series in hominum vita brevis est et rerum humanarum sors mutabilis est: ideo omnes homines spem in Deo ponunt. Vir fortis turpi lucro honestam pauperiem anteponit; segnitiem rerum adversarum fontem putat, pro republica fortiter in acie pugnat; mortem non putat perniciosam: mortem immo cum iucunda spe immortalitatis exspectat.
- Latino
- Versioni di Marco Porcio Catone
- Versioni dai Libri di Esercizi
