Anno ab U.c.sescentesimo sexagesimo tertio universa Italia arma adversus Romanos cepit. Id bellum, cum ab Asculanis ortus esset, quia Romanorum praetorem eiusque legatum occiderant, deinde in omnes regiones penetravit. In hoc bello multa gloria tribuenda est Minato Magio, qui, nepos Decii Magii, Campanorum principis, celeberrimi et fidelissimi viri, tantam fidem Romanis praestitit, ut cum legione quam ipse in Hirpinis conscripserat, Herculaneum caperet, Pompeios cum L. Sulla oppugnaret, Compsam occuparet. De eius virtutibus multi rerum scriptores in libris suis dilucide scripserunt. Eius pietati populus Romanus plenam gratiam rettulit ipsi civitatem donando et duos filios eius praetores creando.
- Latino
- Libro Nuovo Comprendere e tradurre
- Versioni dai Libri di Esercizi
