Lex ista, quam sequimur, si, ut credimus, a Deo nobis data est, arguendi non sumus ei obtemperando, immo propter oboedientiam remunerandi (sumus); qui autem eam contemnunt, vehementer errant et corrigendi sunt. Quod si vobis persuadere non possumus eam a Deo datam esse, nec vos hoc refellere valetis. Multae, sicut et tu ipse nosti (= novisti), generationes processerunt ex quo populus noster hoc Testamentum, quod sibi datum esse a Deo autumat, oboediendo custodivit, et omnes pariter de observatione ipsius tam verbis quam exemplis instruxerunt, et fere universus mundus nunc consentit hanc nobis a Deo legem datam esse. De quo si quibus incredulis suadëre non possumus, nemo tamen est qui hoc, quod credimus, ratione aliqua possit refellere.
- Latino
- Maiorum Lingua B
- Versioni dai Libri di Esercizi
