Causam tanti delicti proferre non potes, tamen non quaero a te quare patrem Sex. Roscius occiderit, quaero quo modo (eum) occiderit. Ipse percussit an aliis occisionem commisit et per sicarios delictum commisit? Si per sicarios occisionem fecisse dicis, tunc quaero: quos? servos an liberos? Si liberos dicis, quos homines? quomodo eis persuasit? “Pretium dedit” – respondere potes-; cui dedit? per quem dedit? unde aut quantum dedit? Nonne his vestigiis ad caput maleficii pervenire solemus? Videamus quae sint vestigia: Romae Sex. Roscius occiditur, cum in agro Amerino esset filius, quem tu de parricidio accusas. Ut patris necem pararet, litteras, credo, misit alicui sicario, arcessivit eum: quem, aut quando? Nuntium misit: quem, aut ad quem? Pretio vel promissis induxit aliquem: quem, aut quomodo? Omnibus his quaestionibus respondere nescis, et tamen Sex. Roscium de parricidio accusas.
- Latino
- Maiorum Lingua B
- Versioni dai Libri di Esercizi