Rara sunt tam diuturna matrimonia finita morte, non divortio interrupta; contigit nobis ut ad annum XXXXI sine offensa perduceretur: tantum me piget quod vetusta coniunctio nostra finem habuit non morte mea, sed tua, Turia, cum iustius fuisset me cedere fato maiorem. Me memorare decet domesticas virtutes pudicitiae, obsequii, comitatis, facilitatis, lanificii studii, religionis sine superstitione, ornatus modici. Non me fugit tua caritas, familiae pietas, cum aeque matrem meam ac tuos parentes colueris, nec alia mente illi quam tuis propinquis curaveris. Omnes id docebo: ceteras innumerabiles virtutes habuisti communes cum omnibus matronis dignam famam colentibus.
- Latino
- Lingua Viva 2
- Versioni dai Libri di Esercizi
