Volscorum ducis Tulli exsecrabile consilium (fuit). Ille ad bellum inferendum Romanis maxima cupiditate accensus, cum aliquot adversis proeliis contusos animos suorum et ob id paci proniores animadverteret, insidiosa ratione quo volebat (eos) compulit: nam cum spectandorum ludorum gratia, magna Volscorum multitudo Romam convenisset, consulibus dixit vehementer se timere ne quid hostile subito molirentur monuit que ut essent cautiores et protinus ipse urbe egressus est. Quam rem consules ad senatum detulerunt, qui, tametsi nulla suspicio suberat, auctoritate tamen Tulli commotus, ut ante noctem Volsci abirent decrevit. Qua contumelia inritati, Volsci facile impelli potuerunt ad rebellandum. Ita mendacium versuti ducis simulatione benivolentiae involutum duos simul populos fefellit, Romanum, ut insontes notaret, Volscum, ut deceptis irasceretur.
- Latino
- Maiorum Lingua C
- Versioni dai Libri di Esercizi
