apud scriptores antiquos haec de situ Rhodani, magni Galliae annis, legimus. Rhodani fontes in Alpibus Poeninis, in Helvetiorum finibus, siti sunt; e montibus flumen mediocri copia aquarum et proclivi impetu ad loca plana descendit, deinde in lacum Lemannum influit. Inde veloci impetu et sine iactura aquarum per Sequanorum fines fluit, provinciam Viennensem latere sinistro alluit, dextero provinciam Lugdunensem. In Rhodanum fluvii multi et ampli influunt, ut Arar, qui per fins Haeduorum et Sequanorum incredibili lenitate fluit. Itaque Rhodanus, aquis copiosus, vehit grandes naves, ventorum difflatu iactari adsuetas. Denique per patulum sinum in Gallicum mare influit, haud longe ab Arelate et Massilia, celebribus urbibus.
- Latino
- Versioni di Marco Porcio Catone
- Anonimi
