Achilles victoria elatus ad urbem ipsam adire ausus est. Cum iam portas refringere incepissent Apollo ei infestus occurrit. “Noli longius prodire ne quis immortalium te perdat”. At ille:”Cur Troianis auxilium tulisti? Ad superorum sede redi ne manus tibi inferam quamquam deus es”. Quae cum dixisset pedem rettulit et Troianorum eos quos fors ei obtulerat aggressus est qui perterriti in omnes partes ferebantur.Apollo autem ne verba illa temere dicta impune ferret Paridem cohortatus est ut sagittam in Achillis calcem immitteret. Hic mortiferum vulnus sibi illatum sensit et Apollinem suae mortis auctorem cognovit cum recordatus esset quid mater olim sibi praedixisset. Summis doloribus affectus procubuit sed ne morti quidem cedens rursus surrexit et cladem hostium fecit dum exanimatus concidit.
- Latino
- Versioni di Marco Porcio Catone
- Igino