Legati a L. Aemilio consule missi urbem ingressi sunt et ad senatum perrexerunt. Cum protinus in curiam introducti essent, exposuerunt quantae peditum equitumque Persei regis copiae fuissent, quot milia ex his caesa, quot capta essent; quam paucorum militum Romanorum iactura tanta hostium strages edita esset, quamque pavidus rex fugisset. Praeterea addiderunt; cum Perseus Samothraciam petisset, iam parata erat classis quae eum insectaretur; ideo nec mari hostis elabi poterat.
- Latino
- Versioni di Marco Porcio Catone
- Anonimi
