Laodamia Acasti filia amisso coniuge dolorem ferre non potuit. Itaque fecit simulacrum aereum simile Protesilai coniugis et in thalamos posuit sub simulatione sacrorum, et eum colere coepit. Famulus quidam matutino tempore poma ei attulit ad sacrificium viditque eam Protesilai simulacrum tenentem atque osculantem; aestimans eam adulterum habere Acasto patri nuntiavit. Is venit, in thalamos irrupit et cum vidit effigiem Protesilai iussit signum et sacra pyra facta comburi; Laodamia, dolorem non ferens, mediis flammis se immisit.
- Latino
- Le Fabulae di Gaio Giulio Fedro
- Igino
