Milo Crotoniensis, athleta illustris, exitum habuit e vita miserandum et mirandum. Postquam iam natu grandis artem
athleticam desiverat, dum iter facit forte solus in locis Italiae silvestribus, quercum vidit proxime viam, cuius rami in parte
media hiabant. Tum experiri vires suas voluit; immisit in cavernas arboris digitos et diducere et rescindere quercum conatus
est. Ac mediam quidem partem discidit divellitque; quercum autem in duas partes diduxerat, cum ille manus laxavit. Itaque, quia
cessaverat vis, quercus rediit in naturam, sed manus eius retinuit inclusitque et, denuo cohaesa, miserum hominem feris
praebuit, qui eum dilaceraverunt.
- Latino
- Versioni di Marco Porcio Catone
- Gellio
