Adeste, hendecasyllabi, quot estis
omnes undique, quotquot estis omnes.
iocum me putat esse moecha
turpis,
et negat mihi nostra reddituram
pugillaria, si pati potestis.
persequamur eam et reflagitemus.
quae
sit, quaeritis? illa, quam videtis
turpe incedere, mimice ac moleste
ridentem catuli ore Gallicani.
circumsistite
eam, et reflagitate,
“moecha putida, redde codicillos,
redde, putida moecha, codicillos!”
non assis facis? o lutum,
lupanar,
aut si perditius potes quid esse.
- Latino
- Carmina di Gaio Valerio Catullo
- Catullo
