Neque enim histrioni, ut placeat,
peragenda fabula est, modo, in quocumque fuerit actu, probetur, neque sapientibus usque ad ‘Plaudite’ veniendum est.
Breve enim tempus aetatis satis longum est ad bene honesteque vivendum; sin processerit longius, non magis dolendum est, quam
agricolae dolent praeterita verni temporis suavitate aestatem autumnumque venisse. Ver enim tamquam adulescentiam significat
ostenditque fructus futuros, reliqua autem tempora demetendis fructibus et percipiendis accommodata sunt.
- Latino
- De Senectute
- Cicerone