M. Antonius triumvir com Cleopatra Aegyptiorum regina luxuriavit; qua re sero bellum contra Parthos suscepit, duas legiones amisit, dum ad Cleopatram festinat. Posthac ob amorem reginae imperium militare non deposuit, sed bellum civile in Octavianum Caesarem paravit. Quapropter Octavianus in Orientem cum exercitu traiecit; primum in Illyrico Dalmatas domuit, navali deinde proelio apud Actium M. Antonium profligavit. Neque tamen Antonius neque Cleopatra in arbitrium victoris venerunt, sed voluntariam mortem oppetiverunt. Caesar in Urbe tres triumphos egit, unum ex Dalmatis, alterum ex Actiaca victoria, tertium de Cleopatra, et altero et vicesimo anno ab initio civilibus bellis omnibus finem imposuit.
- Latino
- De Bello Civili
- Cesare
