Quam ob rem adeste
animis, iudices, et timorem si quem habetis deponite. Nam–si umquam de bonis et fortibus viris, si umquam de bene meritis
civibus potestas [vobis] iudicandi fuit, si denique umquam locus amplissimorum ordinum delectis viris datus est, ut sua studia
erga fortis et bonos civis, quae voltu et verbis saepe significassent, re et sententiis declararent–hoc profecto tempore eam
potestatem omnem vos habetis, ut statuatis utrum nos, qui semper vestrae auctoritati dediti fuimus, semper miseri lugeamus, an,
diu vexati a perditissimis civibus, aliquando per vos ac per vestram fidem, virtutem, sapientiamque recreemur.
- Latino
- Pro Milone di Marco Tullio Cicerone
- Cicerone