Omnes viri boni ipsam aequitatem et
ius ipsum amant; nec est viri boni optare et diligere quod per se non sit diligendum. Magnopere reipublicae interest iustitiam
per se coli. Per se igitur ius est expetendum et colendum. Iustitia nihil expetit praemii, nihil pretii. Per se igiutr
expetitur; aedemque omnium virtutum sententia est. Si enim virtus non sua vi sed emolumentis expetitur, malitia, non virtus,
dicenda est: qui ergo virtutem praemio metiuntur, nullam virtutem nisi malitiam colunt. Si quis ad suum commodum refert
quodcumque agit, minime est vir bonus. Ubi enim est illa liberalitatis virtus, si non gratuita, sed mercennaria est? Ubi illa
sancta amicitia, si non ipse amicus per se amatur toto pectore, ut dicitur? Quod si amicitia per se colenda est, societas
quoque hominum et aequalitas et iustitia per se expetendae sent. Id omnino iniustissimum est iustitiae mercedem quaerere.
- Latino
- De Legibus
- Cicerone
