Vide quam sit varia vitae commutabilisque ratio quam vaga volubilisque fortuna quantae infidelitates in amicis quam ad tempus aptae simulationes quantae in periculis fugae proximorum quantae timiditates. Erit erit illud profecto tempus et inlucescet aliquando ille dies cum tu–salutaribus ut spero rebus tuis sed fortasse motu aliquo communium temporum qui quam crebro accidat experti scire debemus -et amicissimi benevolentiam et gravissimi hominis fidem et unius post homines natos fortissimi viri magnitudinem animi desideres.
- Latino
- Pro Milone di Marco Tullio Cicerone
- Cicerone